Кызым төшөккө сийип коет
2018.06.06, 09:41
1409
Кызым 4 жашта. Түнкүсүн төшөккө сийип коет. Бул адаты чоңойгондо калып калабы же дарыгерге көрсөтсөмбү?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
06.06.2018, 09:48
уролог, медицина илимдеринин кандидаты
Урматтуу айым, муну медицинада "энурез" деп коет. Бала түндө уктап жатканда билбестиктен төшөккө заара ушатат. Организимдин баарын, анын ичинде табарсыкты дагы нерв системасы башкарып турат. Жаш балдардын нерв системасы толук калыптана элек болгондуктан бул ооруга чалдыгышат. Кызыңыздын чоңоюшу менен, нерв системасы калыпка келип, оору өзү эле өтүп кетет. Андыктан, энурез андай деле коркунучтуу эмес, убагы кегенде кетип калат. Болгону сабырдуу жана чыдамкай болуңуз.
Төмөнкү эрежелер сизге жардам болуп бере алат:
- Бала күндүз дааратканага баргысы келгенде 5-10 мүнөт токтотуп коюңуз. Бала өзү табарсыгын кармаганга аракет кылганда, нерв системасы тарабынан табарсыктын иштеши көзөмөлдөнөт.
- Жатаар алдында суюктуктарды аз ичириңиз.
- Эгерде кызыңыз түнкүсүн 9да уктаса аны 11де толук ойгонгондой кылып тургузуп, дааратканага алып барыңыз. Ошондо рефлекс ойгонот. Бул нерсени 1-2 ай кайталап, кайра 11де эмес 12де ойготуп, улам-улам алдыга жылдыра бериңиз. Жыйынтыгында рефлекс пайда болуп, энурез жоголуп кетет.
- Календар түзүп коюп, түнкүсүн төшөккө заара ушатпаган күндөрүн белгилеп, азайып калды деп оптимистик көз караш менен кароо дагы жардам берет.
- Эмоцияны көзөмөлдөп, кызыңызды көп урушпаңыз.
- Эгерде бул нерселер такыр жардам бербесе дарыгерге кайрылыңыз.
- Энурез коркунучтуу эмес экендигин, убагы келгенде өтүп кетээрин эстен чыгарбаңыз.
0
Пайдалуу жооп