Сүйлөшкөн кызымдын боюнда бар экен
Жакында чет өлкөгө кетмекмин. Бирок сүйлөшкөн кызым боюмда бар дейт. Үйлөнөйүн десем шартым жок. Оюмда иштеп, акча топтоп келип анан баш кошсок дегем. Эмне кылсам болот?
Гүлзина Мадраимова
Акушер-гинеколог, үй-бүлөлүк психолог
Балам, боюнда бар кызыңды таштап, үйлөнбөй чет өлкөгө кетип калсаң туура эмес болуп калат. Ал “элдин бетин кантип карайм, баланы кантип багам” деп санаа тартып, боюнан алдырып коюшу мүмкүн. Эркек болгондон кийин жоопкерчиликти алып, үйлөнүп, бейтапканага каттоого тургузуп, текшере турган дарыгери менен таанышып, анан жолуңа чыксаң болот. Сен эч нерсе кылбай туруп басып кетсең, аягы өкүнүчтүү болот. Ага дайым психологиялык, материалдык жактан жардам кылып турушуң керек.