Чалыр көз калыбына келеби?
Байкем 23 жашта. Кичинекей кезинде жыгылып кетип, көзүнө бир нерсе киргизип алган. Операция жасап, аны алып чыгышса дагы көзү түздөлбөй калды. Көзүн түз кылып калыбына келтирсе болобу?
Аида Аскеева
офтальмолог, окулист
Урматтуу окурман, сизге суроом бар эле. Байкеңиз чалыр көздүү болуп калганбы же көзү көрбөй калганбы? Эгер көзү көрбөсө аны калыбына келтирүүгө мүмкүн эмес. Себеби көрүү нервдери өлгөн. Ал эми чалыр көздүүлүгүн оңдото албайт, арадан бир топ убакыт өтүп кеткен. Бирок, дарыгерге барып, текшерүүдөн өтүп көрсүн. Кандай болуп кыйшайган, себеби эмнеде, көздүн көрүүсү кандай экенин карап, ичине текшерүү жүргүзгөндө гана тыянак чыгарып бере алабыз. Мурунку окулисттердин айткандарын, операция кандай өткөндүгү туралуу кагаздарды дагы окуп чыгышыбыз керек. Эгер дарылоого мүмкүн болсо, эмнеге болбосун.