Шаардан кантип паспорт алсам болот?
2018.04.19, 10:28
1749
18 жаштамын.Бишкек шаарында жашайм, бирок каттоом айылда. Шаардан кантип паспорт алсам болот?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
19.04.2018, 10:46
Мамлекеттик каттоо кызматы
Төмөнкү документтерди топтоп, Бишкек шаарынан алсаңыз болот:
- ПИН (Никени каттоо мекемесинен)
- Туулгандыгы туралуу күбөлүк, аты-жөнү өзгөртүлгөн болсо, өзгөртүлдү деген күбөлүк
- Ата-энесинин паспорту
- Төлөм квитанциясы
- Жашаган, катталган турак-жайынын документи. Эгерде ата-энесине катталган үй жок болсо, турак жай ээсинин сизди каттоого макулдугун берген нотариалдык уруксат кагазы.
Бул документтерди топтоп, калкты тейлөө мекемесине алып келесиз. Ал жерден:
Электрондук арыз толтурасыз
Электрондук сүрөткө түшөсүз
Паспортуңуз 12 күндө даяр болот. Бишкек шаарындагы калкты тейлөө борборлорунун даректери:
- Медеров көчөсү 44/1, Биринчи Май жана Октябрь райондорунун паспорттук бөлүмдөрү
- Чокон Валиханов көчөсү 2, Аламүдүн жана Свердлов райондорунун паспорттук бөлүмдөрү
- Жаш Гвардия бульвары 4, Ленин районунун паспорттук бөлүмдөрү
Иштөө тартиби: 09:00 дон 17:30, түшкү тамактануу 12:30дан 13:30га чейин.
16 жашка чыгып, биринчи паспорт алып жатса, баалары төмөнкүдөй болот:
- 290 сом-12 күндө даяр болот
- 1140 сом-8 күндө даяр болот
- 1420 сом-4 күндө даяр болот
- 1760 сом-2 күндө даяр болот
- 4000 сом-3 саатта даяр болот
0
Пайдалуу жооп