Жездем алимент төлөбөй жатат

2018.04.17, 10:50

1294

Эжем күйөсү менен ажырашкан. Бир баласы бар. Азыр баласын багып, үй алуу үчүн чет жакта кыйналып иштеп жүрөт. Жолдошуна алимент бер десек баш тартып, сотко барбай койду. Бир дагы жолу баласына келип жардам берген эмес. Эмне кылсак болот?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.

Эксперттин жообу

17.04.2018, 10:51

Нурислам Раимжанов

Юрист

Эгерде жолдошу алимент төлөөдөн баш тартып жатса анда Кыргыз Республикасынын үй-бүлө кодексинин 86-беренесинин 1-пунктунун негизинде баланын атасынан ай сайын бир балага иштеп тапканынын жана дагы башка кирешесинин төрттөн бир өлчөмүнөн алимент өндүрүүгө болот. Сиз суроонузда «сотко барбай койду» деп айтып жатасыз, ал эми Кыргыз Республикасынын жарандык процесстик кодексинин 246-беренесинин 4-пунктунун негизинде алимент өндүрүү боюнча сот буйругу берилет. Ушул эле кодекстин 250-беренесинин 2-пунктунда “Соттун буйругу соттук териштирүүсүз жана тараптарды чакыруусуз чыгарылат” деп көрсөтүлгөн. Бир сөз менен айтканда эжеңиздин жолдошун сотко чакырбай туруп эле алимент өндүрүп беришет. Эгер сиз кантип арыз жазууну билбей турсаңыз анда редакциядан менин номеримди алып байланышсаңыз болот. Алимент боюнча сизге бекер жардам көрсөтүп берем.

Пайдалуу жооп

Анонимдүү

Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.

Ɵзүн туура алып жүрүү

биздин сайтта:

сөгүнгөн сөздөрдү жазганга болбойт

суроолорду ким жазса, ага карата мазактаган, шылдыңдаган сөздөрдү жазууга болбой

кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт

дискусиянын катышуучуларынын кадыр баркына шек келтирүүгө, басынтууга болбойт

КР нын мыйзамына каршы келген жоопторду чыгарууга болбойт

жоопторду транслитке чыгарууга болбойт

жоопторду башкы тамгалар менен бөлүп чыгарууга болбойт

адамдардын тутунган динине, улутуна асылган, басынткан сөздөрдү жазып чыгарууга болбойт

бир эле суроого ар кайсы ник менен жазууга болбойт

ник менен сөгүнүп сагынган сөздөрдү жазууга болбойт

суроого тиешеси жок жоопторду жазууга болбойт