Кызым диатез болуп жатат
Менин кызыма эки ай болду. Чекеси, кулак жактары диатез болуп жатат. Таттуу жебей калгам. Бирок жардам бербеди. Эмне кылсам болот?
Жаңыл Мусамбетова
Педиатр
Көп учурда диатез организимге жакпаган белгилүү бир азыкты жегенден улам чыгат. Жаш ымыркайдын организми толук жетиле элек болгондуктан, кээ бир азыктарды сиңирип, көтөрө албайт. Диатез оору эмес, аллергия сыяктуу. Аны убагында дарылабаса, өнөкөт болуп калат. Көп энелер балдарына диатез чыгып калганда, таттууга шылтоолойт. Бул туура, бирок бир гана таттуу эмес, башка азыктар дагы себепчи болот. Айта кетсем, кызыл түстүү азыктарды, сүт, каймак, тоок шорпосу, цитрус жемиштерин, коон, шабдаалы, анар, сары жашылча-жемиштер жана шокаладды балаңызга бербеңиз. Диатез өзү 3-4 жашка чейинки балдарда болот. Аны дарылайм деп, ар кандай маз, дары-дармектерди колдонуунун зарылчылыгы жок. Болгону кызыңызга сиз эмнени жегенде диатез пайда болуп жатканын аныктап андан баш тартыңыз. Ошондой эле диатез кир жуучу каражаттардан, порфюмдардан дагы пайда болот. Бул жагын дагы көзөмөлгө алыңыз. Сөзсүз түрдө педиатрга барып, консултациядан өтүңүз.