Ашыкча салмактын азабын тартканыма 7 жыл болду
Мен ЖОЖдордун биринде биринчи курста окуйм. Ашыкча салмактын азабын 7 жылдан бери тартып келем. Көптөгөн диеталарга отурдум, бирок жыйынтыгы болбоду. Арыктатуучу каражаттарды алайын десем акчам жок. Жанымдагы досторум арык кыздар. Кантип арыктасам болот?
Гульнара Абдрахманова
Диетолог-эндокринолог
Салмактан арылуу үчүн диетага отурардан мурун сиз диетологго же эндокринологго кайрылып, анализдерди тапшырып, көрүнүңүз. Мүмкүн сиз гормоналдык оорулардын себебинен улам толуксуз. Салмактан арылтуучу кошулмаларды колдонуу бул чоң жаңылыштык. Аларды ичкенден кийин арыктайсың деп эч ким кепилдик бере албайт. Мындай тамактануудан боор, жүрөк, бөйрөк жана нерв системалары жабыркайт. Эгерде Бишкек шаарында болсоңуз редакциядан менин номеримди алып, көрүнүп кетсеңиз болот. Сизди текшербей туруп, мындай жолдор менен арыкта деп айтуу кыйын.