Товар сатып алсам мөөнөтү өтүп кетиптир
Товар сатып алсам колдонуу мөөнөтү өтүп кетиптир. Кайра алып барсам алмаштырбай, акчасын дагы кайтарып бербей “билгениңди жаса” деп койду. Мен мыйзам түрүндө моралдык жана материалдык жактан компенсация төлөп берүү боюнча кайсы мекемеге кайрылсам туура болот? Сатуучунун жөн эле товарды алмаштырып же акчасын кайтарып эмес, мага ошондой мамиле жасап ачуулантып, убара кылганы үчүн мыйзам түрүндө жооп берүүсүн каалайм.
Нурислам Раимжанов
Юрист
Сурооңузда бир канча маселелерди тактоо зарыл. Биринчи маселе сатып алган нерсеге чек алган белеңиз? Экинчиден чек алган болсоңуз ал бүгүнкү күндө сизде сакталуу бойдон турабы? Ошондой эле сиз материалдык жана моралдык жактан компенсация деп жатасыз. Материалдык түшүнүктүү, барган жол кире акысы, коротулган пайдасын канча деп баарын тактап, эсептеп чыгуу керек. Моралдык боюнча,товардан баш тартуу кылганда кандай зыянга учурадыңыз? Мүмкүн кан басымыңыз көтөрүлүп кетти, дарыгерге кайрылганыңыз туралуу маалымкатыңыз барбы же жокпу дегендей. Моралдык жана материлдык зыянды өндүрүү боюнча сот алып барылат. Ал үчүн сиз сотко доо арыз менен кайрыласыз. Арызда сатуучунун аты-жөнүн, дүкөндүн жайгашкан жери тууралуу толук маалымат бересиз. Эгер кайрылам, бирок мага жардам керек десеңиз, редакция аркылуу менин байланыш номеримди алсаңыз болот.