Менеджмент тармагын тандасам, мага жумуш табылабы? Адис жооп берет
Саламатсызбы. Учурда кайсы кесиптерге суроо талап жогору? Менеджмент тармагын тандасам, мага жумуш табылабы?
Кыялбек Акмолдоев
Ала-Тоо Эл аралык университетинин Экономика жана Башкаруу факультетинин деканы
Биринчи сурооңузга жооп бере турган болсом, учурда IT сектору өнүгүп баратканына улам, бул багытта иштеген программист жана долбоор жетекчилерине суроо-талап жогору десек жаңылышпайбыз. Бирок кесип тандап жатканда кайсы кесипке суроо-талап көп болсо ошону тандоо чоң жаңылыштык. Себеби биринчиден, ал кесип сиз 4 жылдан кийин ЖОЖду бүтүргөндө актуалдуу болбой калышы мүнкүн. Экинчиден тренд болуп жаткан кесиптерди эмес, сиз кызыккан жана сүйгөн кесипти тандоо өтө маанилүү. Ар бир адамдын жөндөмү кесиптин шарттарына дал келбөөсү мүнкүн. Мисалы IT программист болуу үчүн математикалык базаңар өтө жакшы болуусу шарт.
Экинчи сурооңуз боюнча, Менеджмент тармагын тандасаңар албетте жумуш таба аласыңар. Мисалы Ала-Тоо эл аралык университетинин менеджмент программасын аяктаган бүтүрүүчүлөрүбүздүн алды өздөрү ачкан чакан бизнестери менен алек болсо, калгандары жеке фирмаларда маркетолог, бухгалтер же PR менеджер болуп иштешет. Ошондой эле мамлекеттик кызматта жеке чет өкөдө магистратурада окууну улантуу мүмкүнчүлүгү бар.
Ийгилик!
Башкы беттеги сүрөт интернеттен алынды.
Бул жактан дагы окусаңыз болот:
Журналист болуу үчүн кандай сапаттарга ээ болуу керек?
Кыргызстанга барбай туруп университетке тапшырсам болобу? Адис жооп берет