Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир окурмандын катын жарыялайбыз. Эгер сизде дагы кызыктуу баян бар болсо, бизге жөнөтүңүз.
«Жаным, ушунун баары керек беле? Мени дагы ушунча катуу сүйөсүңбү? Эмне кылайын? Эмне кылсам ооруң басылат? Суу ичесиңби? Конфет жейсиңби? Конфетпи, азыр алып келем.»
Бир түн. Болгону бир түн, аялыма болгон мамилемди толук өзгөрттү. Ар бир эркек аялы менен төрөткө кириши керек. Ошондо алардын көз карашы толугу менен өзгөрөт.
Толгоосу эрте башталды. Дарыгер бир жумадан кийин деген. Ызы-чуу болуп жатып калдык. Апам менен атам келининин бутуна бут кийимин кийгизгиче, мен акылынан адашкан немедей, ары -бери баса бердим. Апам шлепкасын чечип, жонума бир чапты. Атам менен келинчегим каткырды. Ошондо эсиме келдим. Машинаны от алдырдым.
Аялыңдын кыйналганын көрүү мынча азап экенин билбегем. Арткы орунда онтоп баратса, бул жакта туруп алып мен жаман болдум. Төрөтканага жеттик. Апам дарыгерге чуркап кетти. Мен аялымды палатага жетеледим. Таштап кете албадым. Коркуп кирбейм деп жаткам, апам муштумун көрсөтүп «келинимди жалгыз таштап көргүн» деди эле, киришке мажбур болдум.
Жаным менин. Мени ушунча сүйөт экенин ошондо болдум. Мен үчүн ушул азапка барып жатат да. Өзүмдү коерге жер таппайм. Бакырса кошо бакырам, ыйласа кошо ыйлайм. Тоону томкоруп жибергим келди. Аттиң, оорусун азайта албадым.
Кызыбыз туптуура он сааттан кийин ыңалады. Мына, биздин сүйүүбүздүн далили. Аялымдын мага болгон сүйүүсүнүн далили. Мен мындан ары аны капа кылганга, көңүлүн оорутканга акым жок. Сени катуу сүйгөн гана ушундай азапка бара алат. Муну ар бир эркек түшүнүп, коркпой, жалгыз таштабай төрөтканага кириши керек.
Сыртка тердеп чыктым. Апам тосуп алды. «Ата болдуң уулум, эми сенден эки эсе жоопкерчилик бар, муну унутпа» деди. Апамды кучактап ыйлап кирдим. Бакыттын көз жашы.
Башкы беттеги илюстративдүү сүрөт.
Бул жерден башка кызыктуу макалаларды окусаңыз болот:
Күйөөмөн ичимди бекитип жүрүп үч бала төрөп алдым
Үйгө келсем атам менен келиним отуруп алып бокс көрүп жатыптыр
Үйлөнгөн досумду куттуктап барсам, көшөгөдө келинчегим отуруптур
376 тууганымдан көрбөгөн жакшылыкты делдең кулак кошунамдан таптым
