Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет бир окурмандын катын жарыялайбыз. Эгер сизде дагы кызыктуу баян бар болсо, бизге жөнөтүңүз.
«Тур, эшикке чыгып иш кыл!» Келиниме көрбөгөн көргүлүктү көргөздүм. Уялам. Бечерам ай, анча мага чыдадың. Сенин жашооң, менин кыяламдан дагы баалуу экенин билбедиң. Сени менден коргой албаган уулумду сүйдүң. Кечирим сурайм. Аттиң, кеч…
Азыр батирде жашайм. Жалгыз. Неберелерим мага келбейт. Убагында жүрөктөрүнүн үшүн алгам. Жалгыз кара чай ичип отурам.
Сый көрсөтүшсө мага кошомат кылып жатышат деп, текеберлик кылдым. Эч кимди теңиме албадым. Өлбөчүдөй жашадым. Карыбай тургандай жамандык кылдым. Мен азыр бирөө менен маектешүүгө зармын. Мен азыр мени чындап бирөө жакшы көрсө деп отурам.
«Чоң апааа!» Жаш бала талпынып мага чуркап келатты. Жаныман өтүп кетти. Чоң апасы артымда туруптур. Кызгандым. Ичим күйдү. Мен деле ушинтип небере жетелеп жүрсөм кана…
Ак жумал келиним. Айдайым. Жанымда отурсаң жактырбай, мурдумду чүйрүдүм. Жийиркендим. Ананчы акча менин көзүмдү жаап калган эле да. Карапайымдын кызы деп басынттым. Азыр мен карыдым. Алым жок. Мен жеңилдим.
Сенин чайыңды ичип, төрүңдө сый көрүп отурсам кана. Бирок, андай болбойт. Сен азыр башка бүлөнүн жаркылдаган келинисиң. Сени сыйлаган кайын энең бар. Сени коргогон күйөөң бар. Сен бактылуусуң. Азаматсың.
Айдайым, мени кечир. Күн сайын жатарда сенден кечирим сурайм. Уулумдун кайда жүргөнүн деле билбейм. Чалганга жарабайт. Сен кеткенден кийин ал көчөлөп эле калды. Мени көмсө болду. Мен чарчадым. Жаман адам болуудан чарчадым.
Башкы беттеги илюстративдүү сүрөт.
Бул жерден башка кызыктуу макалаларды окусаңыз болот:
Күйөөмөн ичимди бекитип жүрүп үч бала төрөп алдым
Үйгө келсем атам менен келиним отуруп алып бокс көрүп жатыптыр
Үйлөнгөн досумду куттуктап барсам, көшөгөдө келинчегим отуруптур
376 тууганымдан көрбөгөн жакшылыкты делдең кулак кошунамдан таптым
