Күйөөм ЗАГСты бербей жатат. Кантип алимент өндүрөм?
2023.04.24, 11:25
1387
Саламатсызбы! Мен 19-жаштамын, азыркы учурда 1,5 жашар балам менен байкемдин үйүндө жашап жатабыз. Жолдошум менен ажырашып кеткенбиз. Жолдошумдан эч кандай жардам жок. Мен эч жерде иштебейм. Алиментке тапшырайын десем ЗАГС керек болот экен. ЗАГСты жолдошум мага бербей жүрөт. Эмне кылсам болот?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
24.04.2023, 11:26
Жаңыл Алымкул кызы
Юрист
Саламатсызбы!
Балага алимент өндүрүү үчүн ата-энесинин нике күбөлүгүнүн болуусу шарт эмес. Башкысы баланын туулгандыгы тууралуу күбөлүгүндө атасы деген графада атасы көрсөтүлгөн болсо жетиштүү.
Эгерде сизге сөзсүз түрдө эле нике күбөлүк керек болуп жатса, анда Калкты тейлөө борборуна (ЦОН) барып дубликатын чыгартып алсаңыз болот.
Юрист Жаңыл Алымкул кызы менен инстаграмдагы @lawyer.janelle баракчасы аркылуу байланышсаңыз болот.
0
Пайдалуу жооп