Гастроскопия жасатыш керек керек деген 5 белги
Салам, достор! Ашказан ооруганда гана гастроскопияга түшүү керек деп ойлогондордон болсоңуз, ал пикирңизди өзгөртүүгө аракет кылабыз.
1-белги
Түнкүсүн, ач карын жүргөндө же тамактангандан кийин зарна болосуз, ичтин же сол жак кабыргалардын асты же көкүрөк ооруйт. Мындай белги жаранын же гастриттин көрүнүшү болушу мүмкүн.
2-белги
Сизде дээрлик ар дайым аппетит жок, себепсиз кусасыз, дайыма кабырганын астында, сол жакта оордук сезилет. Ал оордук тамактануу менен байланышпаган болушу мүмкүн.
3-белги
Сиз 45 жашка чыктыңыз. Дүйнөнүн көптөгөн өлкөлөрүндө 45 жаштан ашкан адамдар үчүн милдеттүү түрдө жыл сайын медициналык текшерүүлөрдөн өтүп туруу киргизилген.
4-белги
Сиздин үй-бүлөңүздө ичеги-карын рагы менен ооругандар бар. Ракты жокко чыгаруу үчүн гастроскопиядан өтүп турушуңуз керек. Бул онкологиялык ооруларды алгачкы этапта аныктоого мүмкүндүк берет, табылса дарылоонун эффективдүүлүгү максималдуу болот.
5-белги
Сизде ашказан жарасы бар. Ашказандын Helikobacter pylori бактериясы менен инфекциясын гастроскопия аркылуу гана анализдесе болот.
Сиз гастроскопиядан өттүңүз беле?