Сиз бул 7 нерсени жасаганга милдеттүү эмессиз
Салам, достор! Бүгүн кезектеги сонун маалымат менен бөлүшөбүз. Бул нерселерди сиз деле билет болушуңуз керек. Болгону эсиңизге салып коюну чечтик.
1. Сизден сурабаган же сизге тиешеси жок бир тема боюнча боюнча пикириңизди айтуу же жазуу, талашуу, өз оюңузду, көз карашыңызды бирөөгө таңуулоо.
2. Башка адамдардын баркын кетирүү, баасын түшүрүү, алардын кылган эмгегин жокко чыгаруу, артынан айыптап, талкуулоо.
3. Нааразы болгон адамдардын ар бир сөзүн угуу, аларга боор оору, аларды сактап калыш үчүн аракет кылуу, алардын жашоосу менен жашоо.
4. Кимдир бирөө сизге карыз деп ойлоо, же сиз бирөөгө бир нерсе карыз деп ойлоо. Ар дайым бирөөгө милдеттүүмүн деген сезим менен жашоо.
5. Бирөөнүн сизге жаман мамиле жасоосуна жол берүү, көңүлүңүздү калтырган адамга экинчи мүмкүнчүлүк берүү, каалабаган нерселериңизди жасап, баарына чыдап жашоо.
6. Өзүңүздү башкалар менен салыштыруу. Кылган эмгегиңиздин натыйжасы менен башкалардын натыйжасын салыштыруу. Аз нерсеге макул болуу. Ар дайым өзүңүздөн үнөмдөө.
7. Өзүңүздү башкаларга башкартуу, финансылык жактан бирөөгө көз каранды болуу. Бирөөнүн айтканын жасоо.
Бул нерселер сизге таанышпы?