Лыжа тепкени бараткандарга травматолог кеңеш берет
Салам, достор! Жаңы жылдык каникулдар келе жатат. Демек, лыжа тепкени барабыз деп камдангандар көбөйдү. Алгач травматолог-ортопед Адилет Молдакуновдун кеңештерин кулакка илип алыңыз. Болбосо, кулап түшкөндө чоң жаракат алып калышыңыз мүмкүн.
- Эң чоң жаңылыштык, жыгылгандар дароо бутуна турууга аракет кылышат. Тагыраак айтканда, шок абалында алар жөн эле бутуна туруп албастан, тепкенди улантышат. Симптомдор эки-үч сааттан кийин пайда болот: шишик, көгөрөт Андыктан лыжа тээп баратып жыгылсаңыз, турууга шашпаңыз. Кырдаалды жакшылап баалоо керек. Бутуңузду ары-бери жылдырып көрүңүз, эгерде оорубаса, туруп түшүп кете аласыз. Ооруган жок деп койбостон, сөзсүз түрдө тез жардам көрсөтүүчү жайга барышыңыз керек.
- Медициналык текшерүүдөн өтө маанилүү. Анткени, мындай учурлар болот, эгерде байламталар же мениска жаракат алса, оорутуу дароо эмес, бир топ убакыттан кийин гана пайда болот. Көптөгөн адамдар байламталары жаракат алса дагы, аны жылдар бою байкабай басып жүрө беришет. Себеби белгилер дароо билинбейт. Андыктан, дарыгерге кайрылып, туура диагноз коюп, дарылоону баштоо керек.