"Жок" деп айта албагандарга сонун кеңештер
Салам, достор! Бирөөнүн көңүлүн кыя албай, "жок" деп айта албай жүргөндөрдүн катарындасызбы? Анда, психологдордун бул кеңештерине көңүл буруңуз. Сактап койгонду унутпаңыз.
Майдадан баштаңыз
Бул сөздү сөз байлыгыңызга кошуп, бир күндө жок дегенде үч жолу бирөөнүн өтүнүчүнөн баш тартууну эрежеге айлантыңыз. Мисалы, официант башка бир тамак сунуштаса, ага "жок" деп айтыңыз же сизге кереги жок нерсени сатууга аракет кылган дүкөнчүгө "жок" деп айтыңыз. Күнүнө бул сөздү үнүңүздү чыгарып 10 жолудан айтып туруңуз. Мына көрөсүз, бул метод сөзсүз иштейт.
Оюңузду өзгөртпөңүз
"Жок" деп кайталоо менен өзүңүздүн кызыкчылыктарыңызга карама-каршы келген өтүнүчтөрдү четке какканды үйрөнөсүз. Бирок чечимиңизди коргоого даяр болуңуз. Айрыкча, буга чейин сизден баш тартууну укпаган адамд бир нерсе суранып жатса. Мындай учурда ал сизге кандай кысым көрсөтүүгө аракет кылбасын, акырын "жок" деген сөзүңүздү көп жолу кайталап тура бериңиз.
"Жок" дегенге көңүл буруңуз
Мисалы, бул сөздү өзүнө ишенип айткан адамдардан үлгү алыңыз. Адамдар сиздин баш тартууңузду кандай кабыл алып жатканын караңыз жана "жок" алар үчүн чоң кырсык болбой турганын жана анын айынан жашоосу токтоп калбасын түшүнүңүз.
Жооп берүүгө шашпаңыз
Башка бирөөнүн өтүнүчүнө автоматтык түрдө "ооба" деп айтуу адатын жоюңуз. Жооп берүүдөн мурун бир аз тыныгуу алыңыз. Бул тынчтанууга, кырдаалды баалоого жана андан кийин гана жооп берүүгө жардам берет. Сиз тыныгууну үйрөнгөндөн кийин, кырдаалды көзөмөлдөй аласыз. Бул кийинки жолу сизге ишеним берет.