“Айыл Банктан” пайызсыз насыя алгысы келгендер үчүн сонун маалымат
2022.12.08, 10:49
1000
“Айыл Банк” 2022-жылдын 8-декабрына карата 1 288 адамга 475 млн. 535 миң сом өлчөмүндө пайызсыз насыя берди.
Пайызсыз насыялоо “Финансылык жардам” кредиттик продуктусунун алкагында ишке ашууда. Максаты – COVID-19 пандемиясынан улам келип чыккан кризистик шартка каршы чакан жана орто ишканаларга финансылык жардам көрсөтүүгө багытталган.
Долбоордун шарттарына ылайык, каржылоо эки негизги категория боюнча пайызсыз негизде жүргүзүлөт:
I категория:
- КРнын Салык мыйзамдарына ылайык иш алып барган ыктыярдуу патенттин же жеке ишкерлерди каттоо жөнүндө күбөлүктүн негизинде иштеген жеке ишкерлерге берилет;
- Жылдык кирешеси 8 миллион сомдон ашпаган ишкерлер;
- Кедиттин максималдуу суммасы 1 млн. сомго чейин;
- Валюта – СОМ.
II категория:
- КРнын Салык мыйзамдарына ылайык иш алып барган жеке ишкерди каттоо жөнүндө күбөлүктүн негизинде иштеген жеке ишкерлер же юридикалык жактарга берилет;
- Жылдык кирешеси 30 миллион сомго чейин болгон ишкерлер же юридикалык жактар;
- Кедиттин максималдуу суммасы 3 миллион сомго чейин;
- Валюта – СОМ.
Насыянын мөөнөтү: 36 ай (3 жыл).
Насыяны камсыздоо: 250 000 сомго чейин - күрөөсүз, 250 001 сомдон жогору - күрөө талап кылынат.
Талап кылынган документтердин тизмеси жана кошумча суроолор боюнча “Айыл Банктын” аймактык филиалдарынан тактаса болот.
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.