БАД ичерден мурун бул нерселерди билип алыңыз
Салам, достор! Бүгүн кезектеги пайдалуу маалымат менен бөлүшөбүз. Тактап айтканда, БАДлар тууралуу 5 негизги суроолорго жооп жарыялайбыз. Эгер буларды ичсемби же жокпу деп жүрсөңүз, анда сактап алыңыз.
БАД деген эмне?
БАД - биологиялык активдүү кошулмалар, тамак-аш же дары-дармек эмес. Википедияда, бул тамак-аш менен кабыл алынган же тамак-аш азыктарына кошулган биологиялык активдүү заттар жана алардын курамы деп айтылат.
Кимдерге сунушталат?
БАДды тамактануу адаты бузулган адамдар – күнүмдүк рационунда белоктордун, майлардын жана углеводдордун балансы сакталбаганда кабыл алуу сунушталат.
Өз алдынча ичсе болобу?
Эч качан өз алдынча ичпеш керек, анткени тобокелдиктер бар. Мисалы, кээ бир изилдөөлөр боюнча, витаминдердин ашыкча болушу шишиктин пайда болушуна алып келиши мүмкүн. Же, темир менен цинкти бир убакта кабыл алууга болбойт, алар бири-бири менен айкалышпайт дегендей. Врач менен гана иш алып баруу керек.
БАД ичүүнү чечкенде, эмнеден баштоо керек?
Дарыгер жазып берген анализдерди тапшыруу керек, ага ылайык, биринчи кезекте, организмде кандайдыр бир заттардын жетишсиздиги, башкача айтканда, БАД ичүү зарылчылыгы бар же жок экендигин аныктоого болот.
Баасы канча турат?
Эгер БАД ичүүнү чечкен болсоңуз, анда жогорку сапаттагыларын алыңыз. Бул жерде арзанга качпаш керек. Анткени, кеп ден соолукта.
А сиз БАД ичтиңиз беле?