19 жаштамын, кантип жашоодон ордумду табам?
Саламатсызбы! Мен жаштыгымдан үй-бүлөмдүн уруштарын көрүп келдим. Азыр жашым 19да, жашоого болгон көз карашым түйүлүп калган. Өзүмө эмне керек өзүм билбейм, өзүмдөн өзүм ыйлап жаман нерселерди ойлой берем. Уктаганда өтмүшүм, кыйынчылык күндөрүм, менин келечегиме көп зыян таасирин тийгизип жатат. Мага кеңеш бериңиздерчи.
Зарина Усупова
Психолог
Саламатсызбы!
Башыңыздан өткөн оор күндөр, келечегиңизге терс таасир тийгизип жатканын жакшы баамдап билет экенсиз. Бирок ошол эле учурда ыйлап, жаман нерселерди өзүңүз ойлой бергениңиз, сизге канчалык деңгээлде маанилүү? Бул ойлордон улам өзүңүздү таанып, сизге эмне керек экенин билүү, оор турарын белгилеп кетким келет. Андыктан негативдүү ойлордон арылуу зарыл, өз алдынча кыйын болсо психологторго кайрылсаңыз болот.
Психолог Зарина Усупова менен инстаграмдан @zarinaa.usupova баракчасы аркылуу байланыша аласыз.