Мен "духу" жок жигитмин. Эмне кылсам болот?
Саламатсызбы! Менин суроомо да жооп алып бериңизчи. Менде дух жок. Мисалы кээ бир балдар менен тартыша кетсем, тез эле духум түшүп калат. Спорт менен машыгам, күчүм деле бар. Эмне кылсам эр жүрөк боло алам?
Виктория Исакова
Психолог
Духту өнүктүрүү үчүн күчтүү мотивация керек. Жүйөлүү себеп болмоюн алдыга жылуу кыйын болуп калат. Ошондуктан алгач алдыга максат коюп алыңыз.
Кандай максат коесуз, эмне үчүн ага жеткиңиз келет? - деген суроолорго жоопту кагазга жазыңыз. Бул чакан процедура өзүңүздү түшүнүүгө жана кандай багытта өнүгүү керек экенин түшүнүүгө жардам берет. Башкы көйгөлөрүңүз даана көрүнөт. Ар бир кадамыңызды ойлонуңуз. Кийин бардыгын ирети менен ишке ашырыңыз. Башкы максатыңыз эмне экенин күндө ичиңизден кайталаңыз.
Спорт духту мыкты тарбиялайт. Негизги артыкчылыгы - колуман келбей калды, алым кетти, денем ооруп жатат, дегендерге карабастан коюлган максатка жетүүнү талап кылат. Балким спортко болгон мамилеңизди өзгөртүү керек? Бардык тармакта туруктуулук, система жана олутту мамиле талап кылынат эмеспи.
Ийгилик!