Дайым түндө ойгоном
Менин суроом төмөндөгүчө. Мен дайыма түнкү саат 03:00 дөн кийин ойгоно берем. Бул эмнеден болушу мүмкүн? Эрте жатамбы, кеч жатамбы баары бир автоматтык түрдө ушул убакытта ойгоном.
Бул нерсеге сырткы жана ички факторлор таасир бериши мүмкүн. Сырткы факторлорго жаныңыздагы адамдын коңуругу, сырттагы ызы-чуулар, уктоочу бөлмөгө жарыктын түшүшү, бөлмөдөгү темпратуранын туруктуу болбошу, жаткан төшөгүңүздүн ыңгайсыз болушу кирет. Эгерде бул нерселердин бирөөсү сизде байкалса, аны оңдоп койсоңуз жардам берет. Көйгөйлүүсү ички факторлор десек болот. Адамдын жашы канчалык улгайган сайын, уйку ошончолук качат. Ошондой эле айымдарда менструация, климакс жана кош бойлуулук учурунда уктоо режими бузулат. Артрит ооруларында, жүрөк сиситемасынын жана ички органдардын иштөө функциясынын бузулуусунда, стресс, депрессия сыяктуу неврологиялык көйгөйлөрдө түнкүсүн уйку жок болуп, адам ойгонот. Андыктан сиз создуктурбай тезинен дарыгерге кайрылып, текшерүүлөрдөн өтүңүз.