Бала бакчага барбаган баланын тили кеч чыгып калбайбы?
Саламатсызбы! Балабыз бала бакчага барбайт. Бул нерсе сүйлөгөнүнө таасир этпейби?
Гульнара Ногойбаева
Логопед, дефектолог жана сурдопедагог
Саламатсызбы! Эгер балага бардык шарттар түзүлүп берилсе, өнүктүрүүчү борборлорго барып турса, бала активный болсо, баары жакшы болот. Менин практикамда, бала катуу тартипте эмес, кенен жүрсүн деген ой менен бала бакчага бербей койгон ата-энелер бар. Алардын балдары кийин чоң апасынын жанында же ата-энеси менен эле жүрүп, көп жерге барып, эл көрүп, чоң адам болуп чоңоюшкандарын дагы билем. Адам адамды көрүп үйрөнөт. Бул жерде ата-эне өзүн өнүктүрүп, өздөрү дагы атайын борборлорго барып активдүү болуш керек. Болбосо, баланы бала бакчага берген эле жакшы. Бирок, бир нерсени түшүнүп биле элек, акылынын жетилүүсү кечиккен баланы бергенде, ал өз оюн айталбай коркуп кекечтенип же агрессивдүү болуп калышы мүмкүн. Бул жерде баланын жетилүүсү кандай, убагында жүрүп жатабы караш керек. Эгер өнүгүүсү кечигип жатса жана шартыңар болсо аны өнүктүргүлө. Болбосо, бала бакчага берип, адистер менен иш алып баргыла.