Мен бирөөлөр эмне десе, ошону кыла берем. Кантип "жертва" болбой койсом болот?
Саламатсызбы! Мен ар дайым "жертва" боло берем. Ар кимдин айтканын дароо жасайм. Өзүмдүн эмне каалап жатканымды билбейм. Эмне кылсам болот? Тажап кеттим, мындай жашоодон.
Асель Суюнбаева
Психолог
Саламатсызбы! Ар дайым позиция "жертвада" жашабаш үчүн, адам өзүн жакшы билиши керек: эмнени сезип, эмнени каалап жана эмнени туюп жатканын. Бизде көп адамдар эмнени каалап жатканын билишпейт. Ошондуктан, бирөөлөрдүн айтканын ээрчийбиз. Экинчиден эч кчан бирөөнүн айтканын ойлонбой туруп кыла берген болбойт. Анткени, сен анын айткандарын ойлонбостон дароо жасап кетсең, ал адам сени курмандыкка айланыдырып, курмандыкка чалышы мүмкүн. Анткени сен өзүңдү ойлобой, башканы ойлоп ошону аткарып кете бердиң. Алгач баарын анализдеп, ой жүгүртүп, чындап эле сиз каалап жатасызбы, тактаңыз. Эгерде мунун баары жардам бербесе, психологго кайрылыш керек. Алар түп-тамырынан бери изилдеп, сиз менен сүйлөшүп, себептерин аныктап туруп, жардам берет.