Жыныстык көйгөй
Мен коркуп жүрөм. Бир аз уят нерсе көрсөм эле уругум тамчылап чыгып кетет. Өзүм гусул алып таза жүргөндү жакшы көрөм. 2-3 күн сайын даарат ала берем. Сексуалдык ойлорду көп ойлонбой бир аз эле элестетип койсом, чыгып кетет. Бул эмне себептен?
Роман Дадажанов
Уролог-андролог
Бул сперматозоид эмес. Дүүлүккөндө парауретралдык бездерден былжыр түрүндөгү секрет бөлүнүп чыгат. Бул жыныстык катнашка бараар алдында заара чыгаруучу каналдын жана жыныстык мүчөнүн башынын майлануусу же “смазка”. Ден соолук үчүн эч кандай коркунучу жок. Мындай бөлүнүп чыгуунун негизги себеби дүүлүгүү. Болгону кээ бир адамдарда көп, кээ бирөөндө аз чыгат. Бизге келип бир текшерүүдөн өтүп коюңуз. Эгерде былжыр суюктук жагымсыз жыттанып, ириң сыяктуу болсо, сөзсүз анализ тапшырышыңыз керек. Болбосо ден соолук үчүн эч кандай коркунучу жок.