Жолдошум азарт оюндарына берилип кеткен. Кантип аны куткарам?
Саламатсызбы! Кайрылуумдун себеби жолдошум азарт оюндарына берилип кеткен. Бул адатын калтыруу үчүн кандай чара колдонсок болот? Же эч нерсе жардам бере албайбы? Аябай өзүмдү бактысыз сезип, кээ бир учурларда жашагым да келбей кетет. Бойдок кезде ачык шайыр кыз элем, азыр анын бири жок. Канткенде ушул адатынан кутултам? Сизден кеңеш күтөм.
Айдана Мадишова
Психолог
Саламатсызбы! Алгач сизди түйшөлткөн суроого жооп берейин. Ооба, жолдошуңуздун жеке аракетисиз ага жардам берүү мүмкүн эмес. Биринчиден жолдошуңуз өз көйгөйүн түшүнүп, анан сизден же профессионал кишиден жардам суроосу керек.
Ал эми сиздин меселеңизге келсек, көпчүлүк учурда ичкен, чеккен, багымдуулугу бар эркектердин аялдары "созависимый" болуп калат. Ошондуктан бул учурда сизге берчү кеңешим өзүңүздү куткарыңыз. Азыр оңолуп кетет, мен жардам бербесем ким жардам берет, менсиз жолдошум жашай албайт деген ойлордон алыс болуңуз. Анын ордуна канткенде өзүмдү бактылуу кыла аламын деп ойлонуңуз.
Туура чечим кабыл алат деген ойдомун. Бактылуу болуңуз!
Психолог Айдана Мадишова менен @insight.aidana баракчасы аркылуу байланышсаңыз болот.