Жыныстык катнаш учурундагы кычышуу же ачышуу бул инфекциялардын белгиси
Көптөгөн аялдар жыныстык катнаш учурунда же бүткөндөн кийин кычышуу жана ачыштыруу кыйнай турганын айтып даттанышат. Нормада жыныстык катнаш ыңгайсыздык жаратпайт.
Ал эми жогорудагы белгилер бир көйгөй бар экенинен кабар берет. Алардан дарыгердин жардамысыз кутулам деп үмүттөнбөш керек. Кайсы оору экенин гинеколог текшерип, анализ алгандан кийин гана айта алат.
Ал эми төмөндөн кычышууну ана ачыштырууну пайда калган айрым инфекцияларды окуй аласыз.
Кандидоз (молочница)
Кандидоз козу карындары кындын жана тышкы жыныс органдарынын сезгентет. Молочницада быштак сымал суюктук бөлүнүп чыгат. Молочница болгондо жыныс кыныны былжыр чели жаракат алат, ошондуктан жыныстык катнаш учурунда ачыштырып, кычыштырат. Кандидозду дарылоо үчүн бир гана гинекологго кайрылуу керек.
Хламидиоз
Жыныстык жол менен жугуучу жугуштуу оору. Белгилери: дискомфорт менен коштолот, заара чыгаруучу системалары ооруйт, "выделения" келет, жыныстык катнаш учурунда ачыштырат, жыныс органдары кызарат.
Трихомониаз
Жыныс мүчө кургап калганда сезимди пайда кылат, жыныстык катнаштан кийин ачыштырат. Этек кир келгенден кийин дискомфорт күчөшү мүмкүн. Трихомониазда сары-жашыл түстөгү көбүктүү "выделения" дагы келет.
Белгилей кетсек, жогоруда аталган оорулар аялдар да, эркектер да кездешет. Андыктан, өнөкөштүн бирөөсүндө табылса, экинчиси дагы дарыланыш керек. Болбосо, жакшы жыйынтыкка жетүү мүмкүн эмес.