Мени эки кыз алдап чакырып тепкилеп салышты. Сотко берсем болобу?

2022.02.08, 14:14
4232

Саламатсызбы! Мени эки кыз алдап чакырып алып, тепкилеп салышты, оозго алгыс уят сөздөр менен сөгүнштү. "Эч кимге айтпа, болбосо мындан да жаман болосуң, жок кылып салабыз" деп коркутушту. Сотко берсем кандай болот? Менин пайдама чечилеби? Больницага бардым, "сотрясение" болупмун. Эксперт көгөргөн жерлерими "жок" деп жазып коюптур. Менин ичтерим көгөргөн болчу. Тосмо арыз жазгандан кийин иш жабылыш керекпи? Же тергөөчү жаппай койсо да болобу?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
08.02.2022, 14:16

Нурислам Раимжанов 

"Справедливость" укук коргоо уюмунун юристи

Урматтуу окурман! Сиз баяндаган иш кылмыш иши деп эсептелинет. Ал эми мындай иштер тергөөдөн кийин сотко жиберилет. Ошондуктан сиз кылмыш иш боюнча өзүңүз түз эле сотко кайрыла албайсыз. Анткени иш тергелиши керек. Эксперттин корутундусуна макул болбосоңуз, кайрадан эспертиза өткөрүүнү тергөөчүдөн өтүнүч аркылуу сурансаңыз болот. Тосмо арыз боюнча, бүгүнкү күндө тосмо арыз деген жок, кылмыш иштер боюнча тараптар жарашуу жөнүндө макулдашууга келсеңер болот. Демек, тосмо арыз деп жазганыңыз менен иш токтотулбайт.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт