Үнүм жок. Бирок ырдагым келет.
Жакында тогузунчу классты бүтөм. Музыкадан башка эч нерсеге кызыкпайм. Бирок аспаптарда ойной албайм, үнүм дагы жок. Келечекте музыка тармагында иштөөнү абдан кыялданам. Кайсы кесипти тандасам болот?
Наргиза Ташибаева
Муратаалы Күрөңкеев атындагы музыкалык окуу жайынын мүдүр орун басары
Музыкага кызыксаңыз биздин окуу жайга келиңиз. Өз ишин мыкты билген кесипкөй мугалимдерибиз үнүңүздү, музыкалык угууңузду(слухуңузду), эс тутумуңузду жана ритмди текшерип беришет. Кааласаңыз азыр деле келсеңиз болот, өзүңүзгө өтөм, же өтпөйм деп бир чечим чыгарып аласыз. Кызыгууңуз болсо абдан жакшы. Билинбегени менен кыйын чыга турган үндөр болот. Бизде музыкага угуусу жок бир бала окуп кеткен. Азыр ал Флоренцияда окуйт. Демек, угууну таптаса болот, эч кандай тоскоолдук жок. Окуу программабыз бюджет жана контрактын негизинде. Турмуш шарттарына карап жатакана беребиз. Жалаң бешке окусаңыз стипендия аласыз. Андыктан чечим өз колуңузда.