Спираль алдырган соң, канча күндөн кийин кошулсам болот?
Саламатсыңарбы! Спиралды алдыргандан кийин канча күн жыныстык катнашка барбай туруу керек? Мен беш күн мурун алдырдым.
Раушан Джумагулова
“Эркай” клиникасынын адиси, акушер-гинеколог
Жатын ичине салынуучу спираль алынаары менен аялдын бойго бүтүрүү функциясы калыбына келе баштайт, демек дароо эле кош бойлуулукту пландаштыра берсе болот. Ошого карабастан 5 күнгө чейин жыныстык катнаштан баш тартуу сунушталат. Андан тышкары физикалык активдүүлүктү талап кылган жумушту жасоого, оор көтөрүүгө, тампон колдонууга, ысык ваннага, мончого, саунага түшүүгө болбойт.
Эгер кан кетсе, адаттагыдан башкача бөлүнүүлөр байкалса, оорутса, дене табы көтөрүлсө дароо доктурга кайрылуу зарыл.
Ден соолукта болуңуз!
Гинеколог Раушан Джумагулованы инстаграмдагы @erkai_clinic баракчасы аркылуу тапсаңыз болот.