Сүйүнчү пулду каалаган жерден алса болобу же жокпу?
Саламатсызбы! "Балага сүйүнчү" жөлөкпулун алуу үчүн жолдошум документтерди райондон тапшырган. Мен Ош шаарындамын. Бул жактан алсам болобу, же тапшырган жерден алабызбы?
Мелисбек кызы Жаңыгүл
КРнын Эмгек жана социалдык өнүгүү министрлигинин мамлекеттик жөлөкпулдар бөлүмүнүн жетектөөчү адиси
Саламатсызбы! "Балага сүйүнчү" жөлөкпулу эки жумуш күндүн ичинде чечилет. Бул жөнүндө сизге СМС билдирүү келиши керек. Акча банктагы эсебиңизге түшөт, демек, кайдан алуу керектиги боюнча айырма жок. Эгер смс билдирүү келбесе, документтерди тапшырган жериңизге барып тактап көрүңүз.
Кененирээк маалымат алуу үчүн жашаган жериңиз боюнча райондук жана шаардык социалдык өнүгүү башкармалыктарына, КРнын Эмгек жана социалдык өнүгүү министрлигинин жарандар менен иштеген коомдук кабылдамасына кайрылыңыз, 0312 660 107, 0312 45-44-29 номуруна байланышка чыгыңыз, же министрликтин +996 990 603 030 WhatsApp номерине жазыңыз.