Үч айлык баламдын ээги титиреп турат. Эмнеден болушу мүмкүн?
2021.09.07, 11:17
1097
Саламатсызбы! 3 айлык балам бар, ээги титиреп турат. Эмнеден болушу мүмкүн?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
07.09.2021, 11:18
Бактыгүл Жанкалиева
Педиатр
Саламатсызбы! Тремор - ээктин, баштын же кол-буттун бир аз титирөөсү. Бир жашка чейинки балдарда, ошондой эле бардык эрте төрөлгөн ымыркайларда кездешет. Нерв системасынын толук калыптануусу жетишсиз болгонунан улам келип чыгат. Пайда болуу факторлору:
- кош бойлуулук учурунда стресс
- төрөт травмасы
- наристенин мойну киндиги менен байланып калганда ж.б.
Коркуп кабатыр болбой эле коюңуз. Болгону көзөмөлдөп туруңуз. Бул табигый нерсе, үч айынан кийин өтүп кетет. Жуунгандан кийин же ыйлаганда бир нече мүнөт титирейт. Ымыркайдын өнүгүп, эненин курсагынын сыртындагы жашоону үйрөнүп жатканын натыйжасы. Педиатрга алып барып көрсөтүп коюңуз.
Ден соолукта болуңуз!
0
Пайдалуу жооп