Беш айлык балам 4-5 күндө бир чычат. Бул нормалдуубу?

2021.08.11, 21:32
1016

Менин үчүнчү балам 5 айлык, ден соолугу чың баары жакшы төрөлдү, бирок бир көйгөй болуп атат. Төрөлгөнүнө 15 күн болгондон кийин эле күнүнө бир жолу чычып калган. Ошентип 2-3 күндө бир чычып отуруп, азыр 4 же 5 күндө бир чычат. Кээде 3 күндө богу чайырдай болуп көтөнүнө жабышып калат, анан да жыты бир башкача сасык. Үч айга чейин ичи көөп "Эспумед" берип жүрдүм. Азыр ичи оорубайт, бирок, осуруп жел чыгарбайт, кээде ыйынып калат ичи каткан баладай. ФАПка барсак кээ бир балдар ошондой деп коюшту, чынында эле ушундай болобу? Бишкеке алып барайын десем азыр ооруга байланыштуу коркуп жатам, шартым да жок, анын үстүнө кимге көрсөтөм билбейм. Эки балам мындай болгон эмес. Жалаң эмчек сүтүм менен багам кошумча тамак бербейм. Педиатрдан кеңеш алып берип коёсуздарбы. 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
11.08.2021, 21:33

Диляра Искакова

Педиатр

Саламатсызбы! Эгер жагымсыз жыттанган жел чыгар жатса, демек ичегилеринде көйгөй бар. Мисалы, ар бири-биздин ичегибизде эки түрдүү инфекциялар болот: пайдалуу жана пайдасыз. Пайдалуусу организмге кирген тамакты ээритип, сиңирүүгө жардам берет. Кээде ушул көбүрөөк болуп кетсе пайдасыз боло баштайт: ичти көбүртөт, осуртат, ичти катыртат. Бул жерде сиз баланын заңын анализге алып барасыз. Райондук поликлиникаларга, жакшысы санэпидемиястанцияга тапшырсаңыз, ал жактан заңынын курамындагы заттарды аныктап беришет. Ошого жараша дарылоо жүргүзүлөт.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт