Кызым бизге кошулуп тамактанбайт. Эмне кылсам болот?
Мен психолог Виталийден сурагым келди. Менин бир кызым бар, ал 18 жашта. Ал сулуу, узун бойлуу, акылдуу. Университетте 2-курста окуйт. Бирок, ар дайым жалгыз жүрөт. Эч ким менен сүйлөшпөйт. Кээде гана курсташтары жардам сураса, жардам берип коет. Эжесине дагы кээде гана балдарын каралашып коет. Калган убактарда ата-энеси менен тамактанбайт. Биз тамак жесек, ал тамак жегим келбейт дейт, андан кийин бөлмөсүндө тамактанат. Ар дайым өзүнө нааразы: семизмин, килейгенмин,, сулуу эмесмин ж.б. Чынында ал абдан сулуу. Кантип жардам берсем болот?
Виталий Пукаев
Кыргыз Россия билим берүү академиясынын окутуучусу, психотерапевт
Кутмандуу күнүңүз менен!
Бул жерде сиз бир гана нерсе кыла аласыз. Кызыңыз менен өзүңүздүн ичиңизде болуп жаткан сезимдериңизди бөлүшүңүз. Ал өзгөрүүнү каалайбы, кандайдыр бир жардамга муктажбы сураңыз. Кызыңызга өзүнө болгон баасы менен байланышкан көйгөйлөрдү чечкен адис издөө сунушун дагы айтып көрсөңүз болот.
Виталий Пукаев менен инстаграмдагы @vitaly_pukaev аккаунту аркылуу байланышсаңыз болот.