Жалгыз бой энелерге өзүнчө жөлөкпул бар деген чынбы?
2021.06.29, 12:07
1679
Саламатсызбы! Айына 810 сом жөлөкпул алам. Жалгыз бой энелерге өзүнчө бар экен го. Ошол тууралуу маалымат бере аласызбы?
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
29.06.2021, 12:11
Мелисбек кызы Жаңыгүл
КРнын Эмгек жана социалдык өнүгүү министрлигинин мамлекеттик жөлөкпулдар бөлүмүнүн жетектөөчү адиси
Саламатсызбы! КРнын мамлекеттик жөлөкпулдар боюнча мыйзамынын негизинде жөлөкпулдардын 4 гана түрү бар:
- 16 жашка чейинки балдары бар аз камсыз болгон үй-бүлөлөлөргө берилүүчү жөлөкпул;
- бала төрөлгөндө бир жолу берилүүчү «балага сүйүнчү» төлөмү;
- ар ай сайын берилүүчү социалдык жөлөкпул;
- ата-энесинин экөө тең белгисиз болгон томолой жетим болгон балдарга берилүүчү жөлөкпул.
Ал эми жалгыз бой энелерге жөлөкпул жалпы негизде чектелет.
Кененирээк маалымат алуу үчүн жашаган жериңиз боюнча райондук жана шаардык социалдык өнүгүү башкармалыктарына, КРнын Эмгек жана социалдык өнүгүү министрлигинин жарандар менен иштеген коомдук кабылдамасына кайрылыңыз, 0312 660 107, 0312 45-44-29 номуруна байланышка чыгыңыз, же министрликтин +996 990 603 030 WhatsApp номерине жазыңыз.
0
Пайдалуу жооп