Кайын журтум үйгө киргизбей кубалап чыгат. Үй сурасам болобу?
Саламатсызбы! Менин эки кызым бар, үчүнчүсү боюмда. Жолдошум органда иштейт. Балдарым менен ар кимдин үйүндө жүрөм. Үй алып берсин деп кайрылсам болобу?
Күйөөмдүн үйүнө барсам, балдарым менен кошо кубалап жатат. 23 миң сом айлыктан мага канча алимент өндүрүп берет? Боюмдагы балама дагы төлөткөнгө мүмкүнчүлүк барбы?
Нурислам Раимжанов
"Справедливость" укук коргоо уюмунун юристи
Саламатсызбы! Сот тартибинде кошумча каражат талап кылып сурасаңыз болот. Андан мурун алимент өндүрүу боюнча сотко кайрылышыңыз керек. Биринчи эки кызыңызга алимент өндүрүп берүүнү сурайсыз. Үчүнчү балага төрөгөндөн кийин.
Эки балага жолдошуңуздун тапкан акчасынын үчтөн бир бөлүгү, үч балага айлык акынын жарымы өндүрүлөт.
Ийгилик каалайм!