Үйдү бекитип шаарга келсек, мурдагы ээси кирип жашап алыптыр. Эмне кылсак болот?
Саламатсызбы! Адвокаттан жооп алгым келет. Жардам бере аласызбы?
Ата-энем бизге 2001-жылдары Балыкчы шаарынан үй алып берген. Бирок аны өздөрүнө жазган эмес. Эжем менен байкем ЖОЖдо окуйт эле, контракт төлөп кыйналып, документин каттаганды унутуп коюшуптур. 2006-жылы окуларын бүтүп, ал үйдү кулпулап коюшкан экен. Эжем менен байкем Бишкекке кеткенде, үйдүн мурдагы ээси кирип жашап алыптыр. Эми сотко кайрылсак алалабызбы? Колубузда үйдүн документтери бар. Алар жасатып алган окшойт.
Нурислам Раимжанов
"Справедливость" укук коргоо уюмунун юристи
Урматтуу окурман! Силер сотко кайрылсаңар болот. Болгону туура кайрылуу керек. Тактап айтканда сатып алуу-сатуу фактысын аныктоо боюнча арыз жазасыңар. Бул үчүн колуңарда жетиштүү далилдер зарыл. Күбөлөрдүн көрсөтмөлөрү, тил кат сыяктуу факттар болсо абдан сонун. Булардын баарын арызыңарга тиркеп сотко кайрылгыла.