Эрозиям аябай чоңоюп кетиптир. Эми төрөгөнгө болбойбу?
Саламатсызбы! Эрозия аябай чоңоюп кетиптир. Эми төрөгөнгө болбойбу? Күйгүзсөм төрөй албай каларымды айтып жатышат. Кандай кылып дарыласам болот?
Айнура Матураимова
Гинеколог
Саламатсызбы! Бул оору аялдарда көп кездешет. Жарым жылда бир жолу профилактика үчүн текшерлип туруш керек. Бирок, көбү аны кылбайт. Анан оору жөнүндө бир нече жылдан кийин, же кош бойлуулук учурунда билишет.
Эрозиянын пайда болушунун бир нече себептери бар:
- бул гормоналдык бузулулар
- ар кандай инфекциялар
- сезгенүү процесстери
- иммунитеттин начардыгы ж.б.
Оорунун баштапкы баскычында дарылоо кыйынчылык жаратпайт. Тез жана оңой жүрөт, анткени жатын моюнчасында сезгенүү же кызаруу жана жара пайда боло элек болот. Оорунун белгилери байкалганда дароо текшерилип, анализ жүргүзүп туура диагнозун коюу үчүн дарыгерге кайрылуу керек. Эгер төрөткө чейин эрозия күйгүзүлүп, толук айыккан болсо, кош бойлуулуктун жана төрөттүн жүрүшүнө көп тоскоол болбойт.
Ооруну дарылоонун бир нече жолдору бар. Гинекологко кайрылсаңыз, эрозиянын өлчөмүнө жараша дарылоону жүргүзөт.