Өтү ооругандар кандай диета кармашы керек?
Саламатсызбы! Өтүм ооруп жатат. УЗИге түшсөм таш жок экен, суук тийиптир.
Кандай диета кармашым керек? Үй шартында кантип дарыласа болот?
Айчүрөк Абиева
Терапевт
Саламатсызбы! Өтүңүзгө суук тийип ооруп жаткан болсо, тамак режимин өзгөртүңүз. Аз өлчөмдө, майда чайнап тамактансаңыз, өттүн тез-тез жана керектүү өлчөмдө бөлүнүп чыгып туруусуна шарт түзүлөт. Жыйынтыгында, өт коюланбай туура физиологиялык процесс жүрүп, оору азаят.
Тамактын температурасы да маанилүү. Өтө ысык же муздак ичүү өт баштыкчасында тырышууну пайда кылат, ооруну күчөтөт. Диета кармаганда майлуу эмес тамактарга басым жасоо туура эмес. Өттүн функциясы майды ээритип берүү. Ошондуктан, майды аз өлчөмдө колдонуу керек.
Күнүнө бир жолу гимнастика кылып туруңуз. Дарыканаларда атайын өткө арналган чөп аралашмасы бар. Аны сатып алып көрсөтүлгөн өлчөмдө колдонуңуз.
Ден соолукта болуңуз!