Эрозиянын күйгүзгөндөн кийин канча убакытта айыгат?
Саламатсызбы! Эрозиянын күйгүзгөндөн кийин канча убакытта айыгат? Меники 25 күн болду. Аз-аздан кан келип жатат.
Назгуль Иманкулова
Гинеколог
Кутмандуу күнүңүз менен! Эрозияны күйгүзгөндөн кийин калыбына келүү 40 күндөн ашпайт. Бул аралыкта кан жана суюктук бөлүнүп чыгат. 10-14 күндүн ичинде ичтин ылдый жагында жеңил-желпи сезимдер пайда болушу мүмкүн. Мындайда эч нерсе кылбай эле коюу керек. Өзү өтүп кетет.
Калыбына келип жаткан мезгилде, бир катар эрежелерди сактоо зарыл: жыныстык катнаштан баш тартуу, денени эс алуу алдыруу жана оор көтөрбөө.
Мончо, сауна, пляж жана бассейндерге баруудан баш тартыңыз. 40 күн өткөн соң кайра гинекологко барып текшерилиңиз.
Ден соолукта болуңуз!
Гинеколог Назгуль Иманкулованы инстаграмдагы @ginekolog_imankulova_nazgul баракчасы аркылуу тапсаңыз болот.