Төрөсөм баламдын тону оңою менен түшпөйт. Эмне себептен болушу мүмкүн?
Саламатсызбы! Төрөгөндөн кийин баламдын тонунун түшүшү кыйын. Эмне себептен болушу мүмкүн? Кандай кылганда оңой түшөт? Учурда 35 жумалык боюмда бар.
Айнура Матураимова
Акушер-гинеколог
Саламатсызбы! Баланын тону маткага жабышып, аны менен байланышта болуп турат. Матка аркылуу эненин канынан түйүлдүккө азык-зат, кычкылтек өтөт.
Тондун түшүүсүнүн түрлөрү көп. Мисалы, баланын тону ички жатынга көбүрөөк кирип кетет. Мындай көрүнүш маткасына операция жасалгандарда, жаш курагы 35 жаштан жогору болгондордо кездешет.
Эгиз же үч-төрт эм төрөлгөн учурда матка көбүрөөк чоюлат. Ал өз ордуна келгиче моюнчасы жабылып, тонду кармап калат. Айымдардын курсагындагы булчуңдары дагы өз калыбында болбой, салмагы чоң ымыркай төрөлгөндө, тондун түшүшү созулуп кетет.
Ошон үчүн кош бойлуулукту пландоодон мурда гинекологко кайрылып, сезгенүү болсо дарылоо керек. Маткага суук тийип калуудан сактануу - тондун оңой түшүшүнө жардам берет. Боюңузга бүткөндөн кийин жеңил көнүгүүлөрдү жасап туруңуз.
Ден соолукта болуңуз!