Бир жаштагы кызымдын көкүрөгүндө без бар. Канча жашында жок болот?
Саламатсызбы! Кызымдын көкүрөгүнүн учу катуу без сымал. Жаңы төрөлгөндө сыкканга болбойт дешкен. Канча жашында жок болуп кетет? Зыян эмеспи?
Кызым бир жашка толду, тиши чыга элек.
Бактыгүл Жанкалиева
Педиатр
Кутмандуу күнүңүз менен! Бул нормалдуу эле көрүнүш. Эч кандай сыгуунун, дары-дармектин же хирургиялык жолдордун кереги жок. Кабатыр болбоңуз.
Кетирүүгө аракет кылып сыгып койсоңуз, көкүрөк жана колтук бездери сезгенип, жараты көпкө узап кетет. Ошондуктан, өз жайына коңуз.
Тиштин жарылуусу кээ бир балдарда төрт айдан башталат. Ичинен жарылып, сыртына алты айдан баштап чыга баштайт. Бирок, бир жашка толсо дагы тиши чыкпаса, кооптонууга негиз бар. Балким, кальций же фосфор жетишсиз. Тукум куучулук болушу да мүмкүн.
Дарыгерге кайрылып, көзөмөлдөн өтүңүз.