Атам жашап жаткан үйдү байкеси баласына каттап коюптур. Кантип алсак болот?
Саламатсызбы! Атам үйдүн эң кенжеси. Бирок, борбордо жашап, үй алышкан. Чоң ата-энебиз карып, "келип бизди кара" дегенден кийин, борбордогу үйдү сатып айылга барышкан. Акчасын агасына беришкен экен. Бирок, далил жок.
Айылдагы үйдү агалары салып, документти өзүнүн баласына каттатып койгон.
Атамдардын жашаганына 30 жыл болду. Чоң ата, чоң энем өтүп кетти. Үйдү кантип өзүбүзгө өткөрүп алсак болот? Негизи жер кичине баласына калыш керек да, ал үйдү ошол бир эле агасы эмес, төртөө салышкан.
Айназик Нурбаева
Юрист
Саламатсызбы! КРнын мыйзамдары боюнча атадан калган мурас, кичүү баласына өтүш керек деген нерсе жок. Чоң атаңыз турак-жайларын мыйзамдүү түрдө документтештирип "бул балама мураска калат" деп өткөрүп берген адамда калат.
Ата-энеңиз 30 жылдан бери жашаган үй башканын атында болсо, бир нерсе кылуу мүмкүн эмес. Ортодо өз-ара келишип, өткөрүп берүүгө макулдугун берип арызын жазган кезде, сотко кайрылып, атаңыздын же өзүңүздүн атыңызга каттатып алсаңыз болот.
Акчаны алгандыгы жана бергендиги тууралуу далил же күбө жок болсо, аны тастыктоо кыйын. Эгер күбөлөр болсо, сотко кайрылып көрсүн.
Ишиңизге ийгилик!