Күйөөм экөөбүз презерватив колдонуп жатсак айрылып кетти. Эмне кылсам болот?
Саламатсызбы! Менин жети айлык балам бар. Күйөөм экөөбүз ар дайым презерватив колдонот элек. Бул жолкусунда бир аз айрылып, уругу ичине түшүп калды окшойт. Эмне кылсам болот?
Жамиля Сагинова
Гинеколог-эндокринолог
Саламатсызбы! Эмчек эмизип жаткан болсоңуз, анда этек кириңиздин келүүсүн күтүүгө туура келет. Келбесе боюңузда барбы же жокпу аныктоо үчүн анализ тапшырып, УЗИге түшүп көрүү керек. Эгерде бала эмизбесеңиз жана жыныстык катнаштан бери 72 сааттан ашык убакыт өтпөсө, каалабаган кош бойлуулуктун алдын алуу үчүн атайын таблетка ичсеңиз болот. Бирок, бул үчүн гинекологго барып кеңеш алыңыз.
Ден соолукта болуңуз!
Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.