Бир кыз картасына акча котортуп алдады. Эмне кылсам болот?
Саламатсызбы! Мен терминалдан бир кыздын VISA картасына акча салгам. Ал дагы мага которо турганын айткан. Ошол бойдон жоголду. Алдап кетти сыяктуу. Эми эмне кылсам болот? Акчамды кайтарып алаламынбы? Которулган акчанын чектерин сактап койгом.
Айназик Нурбаева
Юрист
Кутмандуу күнүңүз менен! Азыр санариптешүү доорунда алдамчыларга акчасын алдырткандар көп. "Мынча сом утуп алдыңыз", "мага акча которсоңуз утушуңузду салып коём" ж.б. шылтоолорду айтышат. Же болбосо "картаңыздын кодун (номерин) айтыңыз",-дейт дагы, картада болгон акчаңызды алып коюшат.
Мындай учурда дароо милиция кызматкерлерине арыз менен кайрылуу кажет. Канча өлчөмдөгү жоготууга учураганыңызды айтып каттоодон өтүшүңүз керек. Ички иштер органдары аларга тиешелүү чара көрөт. Бирок, чыгымды өндүрүп алуу үчүн сотко кайрылуу зарыл. Шектүүгө карата толук маалыматыңыз болсо жана күнөөсү аныкталса кайтарып алса болот.
Ишиңизге ийгилик!