Өзүңдүн мамлекетиңдин президенти бол! Жаш ишкердин ийгилик сырлары
2019.01.17, 16:08
3014
Улан Саламатов, NANOSPACE жана "Вавилон" курулуш компаниясынын директору.
Бүгүнкү күндө Улан Кыргызстандын көрүнүктүү жаш бизнесмендеринин бири. Бул жерден анын ийгилик сырларын окуй аласың.
- Бизнести түзүү, өзүнүн мыйзамдары жана эрежелери бар чакан мамлекет түзүүгө барабар. Өзүңдүн мамлекетиңдин президенти бол!
- Ааламды адамзаттын жыргалчылыгына кызмат кылуу үчүн баарын берүүгө даяр экениңе ынандырышың керек. Ошондо гана ал сага берет, а сен кайтарууга даяр бол.
- Ийгиликке жол - бул ыраазы болуу. Бир гана ыраазычылык кыйынчылыктарды бактылуу учурга айлантат. Ыраазы болсоң, ар дайым бактылуу жана ийгиликтүү болосуң.
- Өзүңө жаккан нерсе менен алектен, ошондо гана көрүнүктүү адамга айланып, кылган жумушуңду чын дилиң менен сүйүп, башкаларды бактылуу кыла аласың.
- Улуулук – бул кызмат кылуу. Кызматың бийиктеген сайын, улуулугуң да жогорулайт. Улуу адамдар көп адамдарды бактылуу кылуу үчүн чоң кызмат кылышкан.
- Фантазияңды өрчүт! Себеби фантазиялар самолетту, смартфонду, нанотехнологияны жасап, космоско учууга себепкер болду.
- Ичиңдеги кыялкечти өлтүрбө. Бардык белгилүү адамдар кыялдары жана максаттары менен жашашкан.
- Ишенимдүүлүк – бекем пайдубал сыяктуу, ансыз үй куруу мүмкүн эмес. Пайдубалы начар үй кичине эле шамалдан кулап түшөт. Пайдубалың бекем болсун, өзүңө ишен!
- Алдыңа чоң максат кой, алыска ыргытылган таштын максатка жетүү мүмкүнчүлүгү жогору.
- Сенден күтүлгөн нерседен да көптү кылсаң өсөсүң.
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.