Күйөөм 45-50 миң айлык алат, бирок алиментти ал боюнча төлөбөйт. Эмнеге?

2021.02.08, 12:23
1102

Саламатсызбы! Алимент боюнча сурайын дегем. Атасы 45-50 миң айлык алат, бирок жеке киреше салыгы боюнча маалым катта 18 миң деп көрсөтүлгөн. Кайсы алган айлыгы боюнча алимент төлөйт. Картасына түшкөн акча мененби же жеке кирише салыгы боюнча айлыгы мененби? 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
08.02.2021, 12:25

Нурислам Раимжанов

"Справедливость" укук коргоо уюмунун юристи

Урматтуу окурман, Кыргыз Республикасынын Өкмөтүнүн "жашы жетпеген балдарына алимент кармалып калуучу эмгек акынын жана башка кирешенин түрлөрүнүн тизмегин бекитүү жөнүндө" 2017-жылдын 24-августу № 530 токтомунун 2-пунтунун негизинде "Алимент төлөөчү адамга эсептелген эмгек акынын жана башка кирешенин суммасынан алимент өндүрүү ушул эмгек акыдан жана башка кирешеден Кыргыз Республикасынын мыйзамдарына ылайык салыктарды жана социалдык чегерүүлөрдү кармап калгандан (төлөнгөндөн) кийин жүргүзүлөт" деп көрсөтүлгөн.

Демек, балаңыздын атасынын айлыгы 50 миң сом деп эсептесек бул суммадан тиешелүү чегерүүлөр кармап калгандан кийин, калган суммадан алименттин өлчөмү эсептелинет деп түшүнөбүз.

1
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт