Жыныс мүчөмдүн сырты жан чыдатпай кычышат. Эмне кылсам болот?
Саламатсызбы! Мен бардык анализди тапшырдым. Жыйынтыгы таза чыкты. Дарыгер "вульвит" деген диагноз койду. Канткенде айыгам. Себеби жыныс мүчөм тез-тезтен кычышат. Көбүнчө ачуу жегенде, газдалган нерселерди ичкенде болот. Ичи кычышпай эле, сырты жан чыдатпай кычышат.
Жамиля Сагинова
Гинеколог-эндокринолог
Саламатсызбы! Тилекке каршы, мындай учурлар кездешет. Анткени вульвит себептерине жараша ар кандай болушу мүмкүн. Бул жерде дарылоо жаш куракка, организмдин аллергиялык реакциясына, күндүн кайсы убагында кычышканына, жанаша жайгашкан органдардын ооруларына, кандай ич кийимдерди кийип жүргөнүңүзгө жана башкаларга жараша болот.
Көрүп турганыңыздай, көптөгөн суроолор бар жана бейтаптардын даттануулары бирдей болгонуна карабастан, ар бир учур индивидуалдуу мамилени талап кылат. Эгерде дарыланууга карабастан, кычышуу дагы эле сизди тынчсыздандырса, анда дарыгериңизге кайрылыңыз, ошондо ал сизге ылайыктуу дарылоону жазып берет.
Ден соолукта болуңуз!
Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.