Кош бойлуумун, бат-баттан суусап, көп суу ичем. Кант диабети болушу мүмкүнбү?
20 жаштамын. Эки айлык кош бойлуумун. Кыз кезимде бат-бат оозум кургап сууну көп иччүмүн. Азыр деле таң аткыча суу ичип чыгам. Сууну көп ичкеним боюмдагы балама зыянын тийгизбейби? Мындан тышкары бат-бат чарчап, көп уктачу болдум. Кант диабети болуп калган жокмунбу? Кеңеш бериңизчи.
Айпери Соурбекова
Гинеколог-эндокринолог
Салам! Ооба, сиз өзүңүзгө туура байкоо жүргүзүпсүз. Кант диабетинин бирден бир белгиси бат суусап, сууну көп ичип анан тез-тез заара кылуу.
Биринчи кезекте учетко туруңуз, андан кийин ачкарын барып кант диабетине анализ тапшырыңыз.
Калганын учетко алган гинеколог көзөмөлдөп турат.
Ден соолук каалайм!
Гинеколог-эндокринолог Айпери Соурбекова менен @doctor_sourbekova_gynekologist инстаграм баракчасы аркылуу байланыша аласыз.