Күйөөм "үйдү талашпайм" деп түшүнүк кат жазып берген. Үйдү өзүмө өткөрө аламбы?
Саламатсызбы! Менин көйгөйүм бар эле, жооп бере аласыңарбы? Күйөөм менен Москвадамын. Чогуу жашаганыма 16 жыл болду. Үч балабыз бар. Учурда кош бойлуумун, жолдошум менен ажырашканы жатам. үйүбүз бар, бирок ал экөөбүздүн атыбызда эмес. Күйөөм "башка аялга үйлөнөм, үйдү талашпайм, балдарга жардам берем",- деп түшүнүк кат жазып берген. Ошол түшүнүк каттын негизинде үйдү өзүмө өткөзүп алсам болобу? Дагы бир суроом, Москвадан алимент кырктырсам болобу?
Нурислам Раимжанов
"Справедливость" укук коргоо уюмунун юристи
Урматтуу окурман! Жолдошуңуздун түшүнүк кат жазып бергени жакшы. Бирок, бүгүнкү күндө документ боюнча үйдүн ээси ким? Сиз ошол ээсинен сатып алуу же белек кылуу келишиминин негизинде өзүңүзгө өткөрүп алсаңыз болот. Анан албетте, Москвадан алимент чыгартсаңыз болот.