Жыныстык катнаштан кийин жыныстык эрин шишип чыгат. Эмнеге?
Жашым 20да. Күйөөм менен кошулуп бүткөндөн кийин жыныс эринчелери шишип чыгат. Эмне себептен болушу мүмкүн?
Айпери Соурбекова
Гинеколог-эндокринолог
Саламатсызбы! Көпчүлүк учурда көпкө (узакка) созулган жыныстык катнаштан болот. Же колдонгон презервативге аллергия болгондо шишип кетиши ыктымал.
Мындан сырткары кошулуп жаткан учурда аялдан бөлүнүп чыккан суюктуктун (смазка) жетишсиздиги да себепкер болушу мүмкүн. Бул учурда дарыканадан атайын лубрикант алып колдонуу керек.
Ошондой эле кошулуу учурунда майда жаракат алсаңыз, кан уюп, шишип калышы мүмкүн.
Эгер шишигени көпкө кетпей, ыңгайсыздык жаратса сөзсүз дарыгерге кайрылыңыз. Инфекция, сезгенүү болуп жүрбөсүн.
Ден соолук каалайм!
Гинеколог-эндокринолог Айпери Соурбекованы инстаграмдагы @doctor_sourbekova_gynekologist баракчасынан тапсаңыз болот.